Շիրակի մարզպետի աշխատակազմ

 «Իմփաքթ հաբ Արմենիա» սոցիալական նորարարության զարգացման հիմնադրամը սկսում է անվճար դասընթացներ Իմփաքթ հաբ Գյումրիում՝ Լեռնային Ղարաբաղից տեղահանված և տեղացի անձանց համար
Իմպաքթ հաբ Գյումրիի կառուցվածքում գործող` Շիրակի ԿՐԵԼԱԲ ստեղծարար կենտրոնում փետրվար ամսին մեկնարկում է «Լուսանկարչություն բջջային հեռախոսով» դասընթացը, որն ստեղծված է Շիրակի մարզի՝ տեղացի և Լեռնային Ղարաբաղից բռնի տեղահանված այն անձանց համար, ովքեր լուսանկարչության հմտությունները զարգացնելու ցանկություն ունեն:
Լուսանկարիչ Դավիթ Ավետիսյանի հետ՝ համապարփակ քառօրյա դասընթացը խոստանում է զինել մասնակիցներին լուսանկարչության աշխարհում գերազանց լինելու համար անհրաժեշտ գիտելիքով և հմտություններով:
Դասընթացի արդյունքում մասնակիցները կունենան բազային գիտելիքներ լուսանկարչության մասին, կկարողանան ճիշտ կոմպոզիցիայով և լուսավորությամբ լուսանկարներ ստանալ, մշակել լուսանկարները Adobe Photoshop կամ LightRoom ծրագրերով։
Դասընթացը հատկապես խորհուրդ է տրվում՝

• սկսնակ կամ զարգացող բիզնեսների սեփականատերերին, ովքեր ցանկանում են բարելավել ապրանքանիշի վիզուալները՝ դրանով իսկ նպաստելով վաճառքների ավելացմանը․
•  ինֆլուենսերներին, ովքեր ձգտում են կատարելագործել կոնտենտը․
• Սոցիալական մեդիա մարքեթինգի և հանրային կապերի մասնագետներին․
•  լուսանկարչությամբ հետաքրքրված այլ անձանց։

Դասընթացը կմեկնարկի փետրվարի 25-ից և կտևի 4 օր, օրական 2 ժամ անցանց ձևաչափով։
Վայրը՝ Իմփաքթ Հաբ Գյումրի (հասցե՝ Շիրակացու 8/8)
Ձեր տեղը ամրագրելու համար գրեք Impact Hub Gyumri ֆեյսբուքյան էջին կամ մինչև փետրվարի 23-ը լրացրեք հետևյալ հայտադիմումը՝ https://forms.gle/wCt71pmE9ngAQtTn7
Հետևե՛ք Իմփաքթ հաբ Գյումրիի և Իմփաքթ հաբ Երևանի էջերին՝ լրացուցիչ մանրամասների համար: