Շիրակի մարզպետի աշխատակազմ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՇԻՐԱԿԻ ՄԱՐԶՊԵՏԻՆ ԱՌԸՆԹԵՐ ԵՐԻՏԱՍԱՐԴԱԿԱՆ ԽՈՐՀՐԴԻ ՈՉ ՊԵՏԱԿԱՆ ՀԱՏՎԱԾԻ ԹԵԿՆԱԾՈՒԻ ԱՌԱՋԱԴՐՄԱՆ ՄԱՍԻՆ

1.Անի համայնքապետարանը հայտարարում է մրցույթ` Հայաստանի Հանրապետության Շիրակի մարզպետին առընթեր երիտասարդական խորհրդի ոչ պետական հատվածի թեկնածուի, որը պետք է համապատասխանի հետևյալ չափանիշներին.
1) 16-30 տարեկան երիտասարդ,
2) երիտասարդներին առնչվող կրթական, սոցիալական, զբաղվածության, առողջապահական և մշակութային խնդիրներին տիրապետելը,
3) երիտասարդական կազմակերպություններում տարբեր ծրագրերին կամ միջոցառումներին մասնակցության փորձ,
4) երիտասարդական քաղաքականության բնագավառում միջազգային փորձի, պետական և հանրային կառավարման համակարգի, ծրագրերի մշակման, իրականացման և գնահատման առանձնահատկությունների իմացություն:
2.Թեկնածուի հետ կանցկացվի հարցազրույց, որի ժամանակ նա կներկայացնի իր պատկերացումները համայնքի երիտասարդության շուրջ ծառացած խնդիրների վերաբերյալ և կառաջարկի դրանց լուծման ուղիներ՝ ՀՀ Շիրակի մարզպետին առընթեր երիտասարդական խորհրդի գուրծունեության շրջանակներում: Հաշվի կառնվի թեկնածուի համապատասխանությունը ներկայացված չափորոշիչներին, երիտասարդության ոլորտում նրա փորձառությունը, հարցազրույցի արդյունքները, նրա կողմից ներկայացված փաստաթղթերի առկայությունը:
3. Մրցույթին մասնակցելու համար հարկավոր է ներկայացնել ինքնակենսագրություն (CV), դիպլոմների, պատվոգրերի, հավաստագրերի պատճեներ, տեղեկանք աշխատանքի վայրից /եթե աշխատում է/: Փաստաթղթերը ներկայացնել անձամբ` անձնագրով կամ անձը հաստատող փաստաթղթով: Մրցույթին մասնակցել ցանկացողները լրացուցիչ տեղեկություններ ստանալու համար կարող են դիմել Անի համայնքապետարան (հասցեն`ք. Մարալիկ, Մադաթյան փ. 1,հեռ.242-2-29-11):

Մրցույթը կկայանա 2018 թվականի հունվարի 23-ին ժամը 10:00, Անի համայնքապետարանի վարչական շենքում:
Դիմումների ընդունման վերջնաժամկետն է 2018 թվականի հունվարի 22-ը, մինչև ժամը 18:00: