Կանանց միջազգային միավորումը (IWAY) հայտարարում է ամենամյա բարեգործական ծրագրերի հայտերի ընդունում: 

Դիմելու համար ՀՀ-ում գրանցված բոլոր հետաքրքրված կազմակերպությունները պետք է լրացնեն հայտարարությանը կցված դիմում-հայտի ձևը. ցանկալի է անգլերեն լեզվով և ուղարկեն IWAYcharities@gmail.comէլ. հասցեին:

Ստացված հայտերը կքննարկվեն IWAY Բարեգործական կոմիտեի կողմից: Նախնական ընտրությունն անցած ծրագրերը կներկայացվեն կանանց միավորման անդամների հաստատմանը հերթական ընդհանուր ժողովի ժամանակ: Հնարավոր է, որ ծրագրին ավելի մանրամասն ծանոթանալու նպատակով անդամները այցելեն ծրագրի վայր: Վերջնական որոշում կայացնելուց հետո հաստատված ծրագրերի իրականացման ֆինանսական միջոցները կտրամադրվեն կազմակերպություններին:
Ձեր հայտը պետք է.

• Համապատասխանի IWAY-ի հիմնական նպատակին. նպաստել և աջակցել ՀՀ հեռավոր և սահմանամերձ համայնքներում տարբեր խոցելի խմբերի, հատկապես կանանց և երեխաների կյանքի բարելավմանը;
• Ներկայացնի ծրագրի անհրաժեշտությունը, հիմնվելով առկա պայմանների և տվյալների վրա;
• Նկարագրի համայնքում ակնկալվող բարեփոխումները;
• Նկարագրի, թե ինչպիսի դրական ազդեցություն կունենա նախագիծը թիրախային բնակչության մեծ թվի վրա;
• Նկարագրի, թե ինչպես է ապահովվելու նախագծի շարունակականությունը IWAY ֆինանսավորման ավարտից հետո;
• Նկարագրի ծրագրի գործունեությանը ճշգրիտ հետևելու և ծախսերի վերաբերյալ հստակ հաշվետվություն ներկայացնելու կազմակերպության կարողությունները;
• Օգտագործի միջոցները ապրանքների և նյութերի ձեռք բերման, այլ ոչ թե վարչական կամ աշխատուժին ուղղված ծախսերի համար: Աշխատուժը պետք է տրամադրվի համայնքի կամ տեղական ինքնակառավարման մարմնի կողմից;
• Ներկայացնի՝ առկայության դեպքում ինչպես ընթացիկ, այնպես էլ նախնական ֆինանսավորման աղբյուրները, ինչպես կազմակերպության, այնպես էլ առաջարկվող նախագծի համար;
• Ներկայացնի հստակ և տվյալների վրա հիմնված ակնկալվող արդյունքներ:

Անհրաժեշտության դեպքում հարցերով կարող եք դիմել
IWAYcharities@gmail.com Էլ.հասցեին:

Մանրամասներն այստեղ