Շիրակի մարզպետի աշխատակազմ

Դասընթացների մասնակցության հայտերի հրավեր

Սիրով հրավիրում ենք Ձեզ մասնակցելու անգլերենի դասընթացների, որոնք
կազմակերպվում են Լոռու, Շիրակի և Տավուշի մարզերի զբոսաշրջության
ոլորտի ներկայացուցիչների համար։
Դասընթացներն իրականացվելու են Բրիտանական խորհրդի կողմից՝
Գերմանիայի միջազգային համագործակցության ընկերության (GIZ)
հայաստանյան գրասենյակի կողմից իրականացվող ԵՄ-ն բիզնեսի համար
նախաձեռնության «Նորարարական տուրիզմի և տեխնոլոգիաների զարգացում
Հայաստանի համար» ծրագրի շրջանակներում։
Սույն ծրագիրը համաֆինանսավորվում է Եվրոպական միության և Գերմանիայի
Դաշնային Հանրապետության տնտեսական համագործակցության և
զարգացման նախարարության կողմից։
Դասընթացների նկարագիրը
▪ Ընդհանուր անգլերենի դասընթացներ առաջարկվելու են սկսնակ,
տարրական (A1 և A2) և միջին (B1 և B2) լեզվի իմացության մակարդակ
ունեցող մասնակիցների համար՝ ներառելով զբոսաշրջության ոլորտի
բառապաշար։
▪ Դասընթացները նախատեսված են տուրիզմի ոլորտում գործունեություն
ծավալող բոլոր հաստատությունների համար՝ զբոսաշրջային
օպերատորներ, գործակալություններ, տեղեկատվական կենտրոններ,
մշակութային կենտրոններ, ռեկրեացիոն ծառայություններ,
հյուրանոցներ/հյուրատներ, հասարակական սննդի ծառայություն,
տրանսպորտային ծառայություններ, պետական կառույց և այլն։ 

▪ Դասերը հիմնականում կբարելավեն ստորև ներկայացված հմտությունները՝

o Բանավոր հաղորդակցում

o Լսողական հմտություններ

o Կարդալու և գրելու հմտություններ

o Քերականություն

▪ Դասընթացներն անցկացվելու են առցանց ձևաչափով։ ▪ Բոլոր մասնակիցների համար կազմակերպվելու է լեզվի իմացությունը տարբերակող թեստ։

▪ Մասնակիցների քանակը սահմանափակ է։

Վերջնական ընտրությունը կատարվելու է ներկայացված հայտի և թեստավորման արդյունքների հիման վրա՝ ապահովելով երեք մարզերի և բոլոր ոլոտների հավասար մասնակցության հնարավորությունը։

▪ Դասընթացների ընդհանուր տևողությունը լինելու է 60 դասաժամ։

▪ Դասընթացները մեկնարկելու են հունվար ամսին։

▪ Դասընթացների օրերն ու ժամերը համաձայնեցվելու են յուրաքանչյուր խմբի մասնակիցների և ուսուցչի հետ առանձին։

▪ Դասընթացի ավարտին մասնակիցները հանձնելու են Բրիտանական խորհրդի Aptis թեստը։

▪ Դասընթացը հաջողությամբ ավարտած բոլոր մասնակիցներին տրվելու է հավաստագիր և լեզվի իմացության հավաստագրեր։

Դասընթացին մասնակցելու համար պետք է լրացնել մասնակցության հայտը, որը կարող եք գտնել հետևյալ հղումով։

Գրանցման վերջնաժամկետն է ս ․թ․ նոյեմբերի 19-ը, ժամը` 17.00։

Հարցերի դեպքում կարող եք դիմել Մարիամ Արզումանյանին հետևյալ էլ․ հասցեով ՝ mariam.arzumanyan@britishcouncil.am: