Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Շիրակի մարզպետը հանդիպել է «Վեոլիա ջուր» ընկերության ղեկավարության հետ 30.07.2021
Շիրակի մարզպետ Հովհաննես Հարությունյանը մարզպետարանի ոլորտային պատասխանատուների հետ այսօր ընդունել է «Վեոլիա Ջուր» ՓԲԸ-ի ղեկավարությանը՝ գլխավոր տնօրեն Մարիաննա Շահինյանի գլխավորությամբ։ Հանդիպման ժամանակ քննարկվել են ընկերության կողմից իրականացվող ծրագրերին, համայնքներում ջրամատակարարմանն առնչվող հիմնախնդիրներ։ Կարևորելով ջրամատակարար ընկերության անխոչընդոտ աշխատանքն ու իրականացվող ծրագրերում թերացումների բացակայությունը՝ Շիրակի մարզպետն անդրադարձել է բնակչության կողմից բարձրաձայնվող մի շարք հարցերի և հորդորել աշխատանքներում լինել առավել պատրաստակամ:
Սուբվենցիոն ծրագրի շրջանակներում Հոռոմ համայնքում 100 տոկոսով կլուծվի արտաքին լուսավորության խնդիրը 30.07.2021
Տնտեսական և սոցիալական ենթակառուցվածքների զարգացմանն ուղղված սուբվենցիոն ծրագրի շրջանակներում Հոռոմ համայնքում 100 տոկոսով կլուծվի արտաքին լուսավորության խնդիրը։ Գիշերային լուսավորության ցանցի ամբողջականացումը կիրականացվի 150 նոր հենասյուների և 150 նոր լուսատուների տեղադրման արդյունքում։ Հոռոմի սուբվենցիոն ծրագիրն արդեն մեկնարկել է, աշխատանքներն ընթացքի մեջ են։
Հաստատվել է ՀՀ-ում աշնանացան ցորենի արտադրության խթանման 2021 թվականի պետական աջակցության ծրագիրը 29.07.2021
Կառավարությունը հաստատել է ՀՀ-ում աշնանացան ցորենի արտադրության խթանման 2021 թվականի պետական աջակցության ծրագիրը Ծրագիրը կիրականացվի ՀՀ բոլոր մարզերում։ Շահառուներ կարող են հանդիսանալ 1-100 հա մակերեսով ցորենի ցանքատարածություններ մշակող տնտեսավարողները։
Դաշտային վարժանքներ Գյումրիում 29.07.2021
Արտակարգ իրավիճակներում ՀՀ Շիրակի մարզի բնակչության պաշտպանության և քաղաքացիական պաշտպանության համակարգերի նախապատրաստման 2021 թվականի հիմնական միջոցառումների պլանով նախատեսված միջոցառումների շրջանակներում հուլիսի 29-ից 30-ը Գյումրիում արտակարգ իրավիճակների նախարարության, Շիրակի մարզային փրկարարական վարչության մասնագետների կողմից անցկացվում են Շիրակի ՔՈՓ (քաղաքային որոնողափրկարարական) թիմի դաշտային վարժանքներ։ Վարժանքները նպատակ ունեն ստուգելու և բարձրացնելու ՔՈՓ թիմի պատրաստվածությունը:
«Հայաստան» համահայկական հիմնադրամը Գյումրիում կառուցում է երկու շենք 28.07.2021
Այսօր Գյումրի է այցելել «Հայաստան» համահայկական հիմնադրամի տնօրեն Հայկակ Արշամյանը, Շիրակի մարզպետ Հովհաննես Հարությունյանի և Գյումրու քաղաքապետ Սամվել Բալասանյանի հետ պատասխանատուները հետևել են հիմնադրամի միջոցներով կառուցվող շենքերի շինաշխատանքների ընթացքին։ «Հայաստան» հիմնադրամը Գյումրիում 36 ընտանիքի համար բազմաբնակարան 2 շենք և 50 երեխայի համար նախատեսված մանկապարտեզ է կառուցում հիմնադրամի «Մեր Գյումրի» ծրագրի շրջանակներում։
Արթիկ համայնքն ունի նոր բազմաֆունկցիոնալ կոմունալ ճանապարհային մեքենա 28.07.2021
Հաշվի առնելով Արթիկի կլիմայական պայմանները՝ խիստ ձմեռն, ինչպես նաև քաղաքը փոշուց մաքրելու անհրաժեշտությունը, տնտեսական և սոցիալական ենթակառուցվածքների զարգացմանն ուղղված սուբվենցիոն ծրագրի շրջանակներում, համայնքը ձեռք է բերել բազմաֆունկցիոնալ կոմունալ ճանապարհային մեքենա։
